اول مره لما تطاول الغرب على المسلمين وعلى رسولهم الكريم هاجت الدنيا و ماجت والكل خرج الا رسول الله
وكل اللى شاف الرسومات بكى
وكل انسان رد بطريقته و المهم ان الكل اتضايق والاهم ان الكل نسى
لكن الغرب لن ينسى الاستمرار فى التطاول فالاسلام عدوهم الاول و الاخير
نشرو الرسوم تانى و مش المره الاخيره
وقاطعو الدنمارك و كل يوم دوله جديده حتعيد الكره و عايزين نشوف حنفضل نقاطع مين ولحد امتى
كان نفسى اقابل حد كان رده على الوقاحه دى بأسلوب جديد
حد يوم القيامه لما يقابل رسولنا الكريم يقول انا رديت و رده ده يتباهى بيه قصاد الناس كلها
مش يطلع فى مظاهره يومين ولا ينزله دمعتين
فى ناس كان ردها مشرف جدا
فى شاب قرر انه يطلع الاول على دفعته و قدر يحققها وكانت نيته انه رد على الرسومات المسيئه
فى ناس قررت تداوم على صلاه السنه ولحد دلوقتى محافظين عليها
فى ناس قررت تصوم كل 13 14 15 من كل الشهر العربى و لسه مداومين
فى ناس قررت تقرى عن الرسول الكريم اكتر و تتعرف عليه اكتر
احنا محتاجين نفهم ان القوى لا يهاب الضعيف
وان الرغيف اقوى من القلم
ومن لا يملك قوت يومه لا يملك حريته
حنعيش ونموت افواه ناطقه وليست ايدى عامله
وياريت بدل ما نغنى كل واحد يقف مع نفسه و يجعل عمله هو الناطق بالا رسول الله
اللهم صلى وسلم وبارك عليك يا خير خلق الله
الاشتراك في:
تعليقات الرسالة (Atom)
هناك تعليقان (2):
صح انا معاكي في الكلام الجامد دة احنا محتاجين ننصره فعيا وليس بالمظاهرات اللي بتبقي بقين وخلاص كل واحد بيروح وبينسي اول لما يدي ضهره للمظاهرة
انا معاكي ان نصرة رسولنا الكريم اننا نحاول نصلح من نفسنا
موضوعك هذا معبر جدا...و الواضح جدا ان البولج لهرتم خاص مبني علي ارائك... يعجبني اعتدادك بأرائك...
و اود ان اهنئك علي البلوج و الموضوع هذا.. لكن لما لا نحاول ان نصر نبينا بطريقه عمليه...لن اقول ان نقاطع المنتجات و فقط (المفروض اننا نشجع صناعاتنا الوطنيه من الاصل) ولكن ننشر مواضيع عن نبينا عليه الصلاه والسلام ..و الاكيد اننا نفسنا سنتعمل الكثير عن شخصيته السمحه... هذا اقتراح مني لكي..
إرسال تعليق